ქალთა კლუბის დისკუსია
16 09 2009
ოთხშაბათს, 9 სექტემბერს “ფონდ ინკლუზივის” ოფისში “ქალთა კლუბის” ტრადიციული დისკუსია გაიმართა. შეხვედრა “ქალთა ინიციატივების მხარდამჭერი ჯგუფის” (WISG) მიერ იყო ორგანიზებული.

დისკუსიის თემა გახლდათ - “რეპრეზენტაცია და თვითრეპრეზენტაცია”.

ვინაიდან შეხვედრაზე დამსწრეთა შორის ბევრი ახალი წევრი იყო, ფასილიტატორმა დამწრეებს შესთავაზა თამაში, რომელიც ერთი მხრივ, დაეხმარებოდა კლუბის ახალ და ძველ წევრებს გაეცნოთ ერთმანეთი და მეორე მხრივ, თითოეულ მათგანს შესაძლებლობა მიეცემოდა უკეთ გაეაზრებინა საკუთარი უნიკალურობა. თვითეული ნიშან-თვისება მონაწილეებმა თავად შეაფასეს როგორც პოზიტიური, ნეიტრალური და ნეგატიური. ასევე გამახვილდა ყურადღება იმაზე თუ რა მახასიათებლებს იყენებდნენ მონაწილეები: სოციალურ სტატუსს, ფოზოკურ მახასიათებლებსა თუ ფსიქოლოგიურ თავისებურებებს.

საკუთარი თავის რეპრეზენტირების გარდა, თამაში ითვალისწინებდა საკუთარი თავის დახასიათებას მშობლებისა და მეგობრის პოზიციიდანაც. გასნხვავებები ამ სამ პოზიციას შორის, დისკუსიის თემად იქცა: რა უდევს საფუძვლად გარშემომყოფთა პოზიციიდან დანახულ სურათს და რა გავლენას ახდენს ის ჩემს თვითაღქმაზე. დისკუსიის მიმდინარეობისას გამოიკვეთა მომავალი შეხვედრის თემაც: როგორ გავუწიოთ წინაამდეგობა ზეწოლას და როგორ ვუპასუხოთ ვერბალურ აგრესიას.

თამაშში უკვლებლივ ყველა მონაწილე ჩაერთო. იგი ენერგიულად წარიმართა, რადგან დიდი ინტერესი გამოიწვია კლუბის წევრებს შორის.

შეხვედრის დამთავრების შემდეგ მონაწილეებმა ურთიერთობა განაგრძეს არაფორმალურ გარემოში.



ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
გრადაცია | ინსტალაცია ტრანს ხსოვნის დღისთვის
ერთი დღე "ჰომოფობიის ლაბირინთში"
სიძულვილს გადარჩენილი ადამიანები იქ, სადაც სიყვარული აკრძალულია