სააპელაციო სასამართლოში 2013 წლის 17 მაისის საქმეზე პროცესი გადაიდო
24 02 2016

დღეს, 23 თებერვალს თბილისის სააპელაციო სასამართლოს 2013 წლის 17 მაისის საქმეზე მხარეთა შესავალი სიტყვები უნდა მოესმინა, თუმცა მოსამართლე მარინა ხოლოაშვილის ჯანმრთელობის მდგომარეობის გამო პროცესი 22 მარტისთვის გადაიდო.

2013 წლის 17 მაისის საქმეში  საქალაქო სასამართლოს მიერ გამართლებული სასულიერო პირისა და სამი მოქალაქის პროცესი სააპელაციო სასამართლოში 22 მარტს, 14:00 საათზე დაიწყება. პროცესზე სააპელაციო სასამართლო მხარეთა შესავალ სიტყვებს მოისმენს, რის შემდეგაც სასამართლოს “ადამიანის უფლებათა სწავლებისა და მონიტორინგის ცენტრის” (EMC) სასამართლოს მეგობრის მოსაზრება წარედგინება.

საქალაქო სასამართლოს მიერ გამართლებულ სამ მოქალაქესა და ერთ სასულიერო პირს: ირაკლი ბასილაიას (მცხეთის წმ. იოანეს სახელობის დედათა მონასტრის იღუმენი იოანე), ტიტალ დავრიშიანს, ბექა სალუქვაძესა და გიორგი ბასიაშვილს – პროკურატურა 2013 წლის 17 მაისს ჰომოფობიისა და ტრანსფობიის წინააღმდეგ ბრძოლის საერთაშორისო დღისადმი მიძღვნილი აქციის ჩატარებისთვის ძალადობრივად ხელის შეშლაში ადანაშაულებს.



ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
ქვიარ დების გარბენი - სოციალური და გარემოსდაცვითი სამართლიანობა
"ვნებები და უფლებები"- ნამუშევრები გამოფენიდან
ერთი დღე "ჰომოფობიის ლაბირინთში"