: ილუსტრაცია: სალომე ჟვანია
ეპიზოდი 01: სექსუალობა და რეპროდუქცია MAD MEN-ში.
13 08 2021

პოდკასტის პირველი ეპიზოდი შეეხება სექსუალობას, სექსუალურ და რეპროდუქციულ უფლებებს სერიალ Mad Men-ში. ამ ეპიზოდში მიმოხილულია, თუ როგორ და რატომ იყენებენ ან არ იყენებენ სერიალის ქალი პერსონაჟები სექსუალობას მათი პროფესიული მიზნების მისაღწევად, როგორია მათი ისტორიის განვითარება იმ პირობებში, როცა სერიალში მოქმედება ფემინიზმის ე.წ. მეორე ტალღის დასაწყისის პერიოდში ვითარდება, როცა აბორტის სერვისი ჯერ ლეგალური არ არის, ჩასახვის საწინააღმდეგო აბები სულ რამდენიმე თვის დაშვებულია გაყიდვაში, ქალები მხოლოდ ახლა იწყებენ სამსახურებში გასვლას, სადაც ყოველღიურად განიცდიან სექსუალურ შევიწროებას და ძალადობას.

ეპიზოდის სტუმარია ანა ილურიძე, სექსუალობის და გენდერის მკვლევარი.

გთხოვთ, გაითვალისწინოთ, რომ პოდკასტი შეიცავს სპოილერებს.

Soundcloud

Spotify

ქალები სერიალებში და სერიალებზე
ეს არის ელენე ქაიხოსროშვილის საავტორო პოდკასტი იმაზე, თუ როგორ გვწერენ და გვიღებენ ქალებს ეკრანებისთვის. პოდკასტის ფარგლებში, სტუმრებთან ერთად ვისაუბრებთ იმაზე, თუ როგორები არიან ქალები, რომლებსაც სერიალებში ვხედავთ, რა იდენტობები აქვთ, რას გამოხატავენ და რის სიმბოლოებად იქცევიან, რატომ გვიყვარდება ან არ გვიყვარდება ისინი, რას ველით მათგან და რატომ არის ჩვენთვის მნიშვნელოვანი, რომ ზოგი მათგანი მაინც გვგავდეს. პოდკასტში განხილული იქნება სერიალების ქალი პერსონაჟები, ამ პერსონაჟებისთვის შექმნილი ისტორიები, მათი პოლიტიკური მნიშვნელობა და უმნიშვნელობაც.


ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
სიძულვილს გადარჩენილი ადამიანები იქ, სადაც სიყვარული აკრძალულია
გრადაცია | ინსტალაცია ტრანს ხსოვნის დღისთვის
"ღამე და დღე" | ტრანს პერფორმანსი