: ილუსტრაცია: სალომე ჟვანია
ეპიზოდი 04: ელენე და ლიკა საუბრობენ "სექსუალურ განათლებაზე"
16 11 2021

პოდკასტის მეოთხე ეპიზოდის სტუმარია ლიკა ბარაბაძე, გეშტალტ თერაპევტი და ქალთა უფლებების დაცვის აქტივისტი, რომელთან ერთადაც განვიხილავთ ბრიტანულ სერიალს Sex Education.

ეპიზოდის ფარგლებში განხილულია, თუ რა განასხვავებს ამ სერიალს მსგავსი ჟანრის (თინეიჯერული დრამა) სხვა ფილმებისა და სერიალებისგან, მაგალითად, სექსუალობასთან დაკავშირებული პოზიტიურობა და გოგო/ქალი პერსონაჟების სექსუალური აგენტობა, მათი ობიექტივაციის ნაცვლად.

ეპიზოდში ასევე განხილულია თანხმობა ურთიერთობებში, როგორც სერიალში ასახული ურთიერთობების ცენტრალური ღირებულება, სექსუალური შევიწროება, მისი შესაძლო გავლენები გოგოების ფსიქიკურ ჯანმრთელობაზე და ასევე, სოლიდარობა, როგორც სირთულეების უმტკივნეულოდ გადალახვის იარაღი.

Soundcloud

Spotify

ქალები სერიალებში და სერიალებზე
ეს არის ელენე ქაიხოსროშვილის საავტორო პოდკასტი იმაზე, თუ როგორ გვწერენ და გვიღებენ ქალებს ეკრანებისთვის. პოდკასტის ფარგლებში, სტუმრებთან ერთად ვისაუბრებთ იმაზე, თუ როგორები არიან ქალები, რომლებსაც სერიალებში ვხედავთ, რა იდენტობები აქვთ, რას გამოხატავენ და რის სიმბოლოებად იქცევიან, რატომ გვიყვარდება ან არ გვიყვარდება ისინი, რას ველით მათგან და რატომ არის ჩვენთვის მნიშვნელოვანი, რომ ზოგი მათგანი მაინც გვგავდეს. პოდკასტში განხილული იქნება სერიალების ქალი პერსონაჟები, ამ პერსონაჟებისთვის შექმნილი ისტორიები, მათი პოლიტიკური მნიშვნელობა და უმნიშვნელობაც.


ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
გრადაცია | ინსტალაცია ტრანს ხსოვნის დღისთვის
ქვიარ დების გარბენი - სოციალური და გარემოსდაცვითი სამართლიანობა
"ვნებები და უფლებები"- ნამუშევრები გამოფენიდან