სიახლეები
ისრაელმა ტრანსგენდერი კაცი ბიოლოგიურ მამად სცნო
18 09 2013
https://lesbi.ge/s/29w/
1788

ისრაელის შინაგან საქმეთა სამინისტრომ პრეცედენტული ნაბიჯი გადადგა და ორწლიანი ლეგალური დავის შემდეგ, ბავშვის ბიოლოგიურ მამად ორი კაცი სცნო. ამ ნაბიჯის გადასადგმელად, საჭირო გახდა სახელმწიფოს მიერ საწყის ეტაპზე ერთ-ერთი მშობლის დედად ცნობა, სანამ იურიდიულ დოკუმენტებში მშობელი მის გენდერულ განსაზღვრებას „მამად“ შეიცვლიდა. ტრანსგენდერმა კაცმა იუვალ ტოპერმა ბავშვი 2011 წელს გააჩინა. მის პარტნიორთან ერთად მან სცადა ბავშვის ბიოლოგიურ მშობლებად დარეგისტრირება, მაგრამ სახელმწიფომ უარი განაცხადა მისი პარტნიორის, მატანის, ბიოლოგიურ მამად ცნობაზე. სამინისტრო ბავშვის ბიოლოგიურ მშობლებად მამრობითი სქესის წარმომადგენელ ორ პირს არეგისტრირებდა. საბოლოოდ პრობლემა მაინც გადაწყდა და იუვალმა დასარეგისტრირებლად ჯერ მდედრობითი სქესის წარმომადგენლად მოახდინა იდენტიფიცირება, შემდეგ კი რეგისტრაცია მამრობითი სქესით შეიცვალა. ამ პროცესის განმავლობაში მათ დახმარებას უწევდნენ ისრაელის შინაგან საქმეთა მინისტრი გიდეონ საარი და ისრაელის მმართველი პარტია "ლიკუდის" დეპუტატი მირი რეგევი. წყარო


ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
ქვიარ დების გარბენი - სოციალური და გარემოსდაცვითი სამართლიანობა
ტყის ვარდი | ტრანს აუდიო გასეირნება
სიძულვილს გადარჩენილი ადამიანები იქ, სადაც სიყვარული აკრძალულია