ბატონმა გნარმა საპროტესტო აქციის ბმული გააზიარა, და მას მარტივი განცხადება დაურთო: „ ჰომოფობია ფობია არ არის. მათ არ ეშინიათ. ისინი უბრალოდ ნაძირლების ხროვას წარმოადგენენ.“
გასულ შაბათს, 70.000–100.000 ადამიანმა მოიყარა თავი პარიზის ქუჩებში, თუმცა დემონსტრაციები ტულუზში, ლიონსა და მარსელშიც მიმდინარეობდა. პროტესტის მონაწილეებს ვარდისფერი და ცისფერი გასაბერი ბუშტები ეჭირათ და ჰქონდათ პოსტერები წარწერით „pro-marriage, not anti-gay” (მხარს ვუჭერ ქორწინების შენარჩუნებას, მაგრამ არ ვერჩი გეებს).
7 ნოემბერს, საფრანგეთის პრეზიდენტ ფრანსუა ჰოლანის მთავრობამ დაამტკიცა კანონპროექტი, რომლითაც ერთსქესიან წყვილებს ქორწინებისა და შვილად აყვანის საშუალება მიეცემათ.
რეიკიავიკში, 2010 წელს ერთსქესიანი ქორწინების შემოღებას ძალიან ცოტა წინააღმდეგობა ჰქონდა და პარლამენტმა შესაბამისი კანონმდებლობა ერთსულოვნად მიიღო. ეს ერთადერთი ქვეყანაა, სადაც ქორწინების თანასწორობის კანონი პარლამენტში წინააღმდეგობის გარეშე მიიღეს. გასულ აგვისტოს, სანამ Pussy Riot–ის ვერდიქტი გახდებოდა ცნობილი, რეიკიავიკის მერმა ბატონმა გნარრმა, ვარდისფერი კაბა ჩაიცვა და ჯგუფის მუსიკაზე იცეკვა რეიკიავიკის გეი პრაიდ ფესტივალზე.
