ჰოლანდიური ლგბტ უფლებათა ორგანიზაციის COC–ის წარმომადგენელმა კოენ ვან დიკმა ამ განცხადებას იმ ერაყელების გამარჯვება უწოდა, ვინც ქვეყნიდან საკუთარი სექსუალური ორიენტაციის გამო გაიქცა. მისი თქმით ერაყი, მსოფლიოში ყველაზე საშიში ქვეყანაა გეებისთვის რადგან კვლევები აჩვენებს, რომ 2003 წლიდან მოყოლებული ქვეყანაში, ლგბტ ადამიანებისადმი სიძულვილით მოტივირებული 750 მკვლელობა იქნა აღრიცხული.
თუმცა, საკუთარი სექსუალური ორიენტაციის დამტკიცება „პრობლემატური“ შეიძლება იყოს. Care2-ს განცხადებით იმიგრაციის სამსახურებს უჭირთ იმის დადგენა, თუ რა წარმოადგენს ჰომოსექსუალობის დამამტკიცებელ საბუთს, ჩვეული სტერეოტიპების გამოყენების გარეშე. კოენ ვან დიკის განცხადებით: „ ადამიანებს იმის მტკიცება მოუწევთ, რისი შენიღბვაც ასწავლეს საკუთარ თავს შიშის გამო. ეს ძალიან საფრთხილო სიტუაცია იქნება და მიგრაციის სამსახურების თანამშრომლებს, რომლებსაც აპლიკანტებთან ინტერვიუების წარმოება დაევალებათ, სპეციალური ტრენინგები დაჭირდებათ.“
