თურქ ტრანს აქტივისტებს თავისუფლების აღკვეთა ემუქრებათ
05 11 2011

ერთობლივ წერილში, რომელიც თურქეთის იუსტიციის სამინისტროში იქნა გაგზავნილი, ადამიანის უფლებათა დამცველმა შვიდმა ორგანიზაციამ თურქეთის მთავრობას ტრანსგენდერი ადამიანების სისტემატიური შეურაცხყოფისა და ჩაგვრის დასრულებისკენ მოუწოდა. ადამიანის უფლებათა აქტივისტები აღშფოთებას გამოხატავენ ორგანიზაცია “Pembe Hayat”-ის ლიდერების გასამართლებისა და შესაძლებელი თავისუფლების აღკვეთის თაობაზე.

2011 წლის 26 ოქტომბერს, ანკარის მეთხუთმეტე სისხლის სამართლის სასამართლოს პირველმა ინსტანციამ სამ ტრანსგენდერ აქტივისტსა და ადამიანის უფლებათა დამცველს - ნაზ გუდუმენს, ბუსე კილიჩკავას და სელაი ტუნჩს ხუთიდან თვრამეტ თვემდე ვადით თავისუფლების აღკვეთა მიუსაჯა. მათი გასამართლება მოხდა ისეთი ბრალდებების საფუძველზე, როგორიცაა პოლიციისთვის წინააღმდეგობის გაწევა და სამართალდამცავი ორგანოების წარმომადგენლებისთვის შეურაცხყოფის მიყენება. მაშინ, როცა ტუნჩისა და გუდუმენის განაჩენი შეჩერებულია, სასამართლოს გადაწყვეტილება კილიჩკავასთან დაკავშირებით ძალაში იქნება მოყვანილი სააპელაციო სასამართლოს მხრიდან ანალოგიური განაჩენის გამოტანის შემთხვევაში.

ზემოხსენებული საქმე სასამართლოს იმ მოვლენების შემდეგ გადაეცა, რომლებიც 2010 წლის 19 ივნისს განვითარდა, როდესაც ანკარის სევრანბაგლარი მაჰის რაიონში მანქანით მგზავრობისას, სამი ტრანსგენდერი ადამიანის უფლებათა აქტივისტი პოლიციამ გააჩერა და დააპატიმრა. ადამიანის უფლებათა დამცველი ჯგუფების ინფორმაციით, მსგავსი ქმედებები პოლიციის მხრიდან თვითნებურად ხორციელდება და ტრანსგენდერი ადამიანებისა და განსაკუთრებით ადამიანის უფლებათა აქტივისტების სისტემატიური ჩაგვრის ნაწილს წარმოადგენს.

თურქეთის მთავრობისადმი მიმართულ წერილში საერთაშორისო ორგანიზაციები ითხოვენ, რომ სამი აქტივისტისათვის წაყენებული ბრალდებები მოხსნილ იქნას და მოხდეს ტრანსგენდერი ადამიანების მიმართ პოლიციასა და სასამართლოებში დისკრიმინაციული მოპყრობის გამოძიება. ხელმომწერი ორგანიზაციები ასევე მოითხოვონ, რომ მოხდეს პოლიციის ოფიცრებისა და სასამართლოს მოხელეებისათვის შესაბამისი ტრენინგების ჩატარება, ტრანსფობიისა და ჰომოფობიის სამომავლო შემთხვევების თავიდან ასაცილებლად.

წყარო:http://ilga-europe.org/home/guide/country_by_country/turkey/human_rights_leaders_urge_turkish_government_to_drop_charges_against_transgender_activists



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
სიძულვილს გადარჩენილი ადამიანები იქ, სადაც სიყვარული აკრძალულია
ტყის ვარდი | ტრანს აუდიო გასეირნება
გრადაცია | ინსტალაცია ტრანს ხსოვნის დღისთვის