პრაიდის ერთ–ერთი ორგანიზატორის, „Queer Delhi“–ის წარმომადგენელი მოჰნიშ მალჰოტრას განცხადებით, ღონისძიების ჩასატარებლად დაფინანსება ორგანიზატორებს არ მოუთხოვიათ და საჭირო თანხა გასულ თვეში საგანგებოდ მოწყობილ წვეულებაზე იქნა მოზიდული. პრაიდის დროს მონაწილეებს ნიღბები, ცისარტყეკას ფერებში გაწყობილი კაშნეები, სასტვენები და კანფეტები დაურიგდებათ. ნიღბები იმ ლგბტ ადამიანებისთვისაა განკუთვნილი, ვისაც „ქამინაუთი“ არ გაუკეთებია.

შეგახსენებთ, რომ 2009 წლის 2 ივლისს, დელის უზენაესმა სასამართლომ გააუქმა ინდოეთის სისხლის სამართლის კოდექსის 337–ე მუხლი, რომლის მიხედვითაც ჰომოსექსუალური კავშირები კრიმინალიზებული იყო და განაცხადა, რომ ეს მუხლი ადამიანის ფუნდამენტურ უფლებებსა და თანასწორობის პრინციპს არღვევდა, რომელიც ყველა მოქალაქისათვის კონსტიტუციით არის გარანტირებული.

წყარო:http://www.ndtv.com/article/cities/delhi-set-for-gay-pride-parade-on-sunday-153248