ღონისძიების ორგანიზატორთა თქმით, მეექვსე პრაიდის ჩატარების უფლება მათ ქალაქის მთავრობამ სამშაბათს მისცა.
ორგანიზატორებმა მოსკოვის მთავრობასა და საგზაო პოლიციას, გეი პრაიდის ჩატარების გეგმა 12 აპრილს წარუდგინეს.
ღონისძიება სახელწოდებით ”მოსკოვის გეი პრაიდი: ჰომოსექსუალობა მსოფლიოს ისტორიაში, კულტურასა და ცივილიზაციაში” 28 მაისს ჩატარდება.
მოსკოვში გეი პრაიდის აკრძალვების სერია ჯერ კიდევ 2006 წელს დაიწყო და სასამართლო გარჩევის საგანი გახდა.
2010 წლის ოქტომბერში ევროპის ადამიანის უფლებათა სასამართლომ განიხილა ალექსეევი რუსეთის წინააღმდეგ სარჩელი, და აღიარა, რომ მოსკოვის პრაიდის აკრძალვით 2006-2008 წლებში დაირღვა ევროპული კონვენციის სამი მუხლი: შეკრების თავისუფლება, უფლება არ იყო დისკრიმინირებული სექსუალური ორიენტაციის გამო და ეფექტური იურიდიული დახმარების უფლება.
ზემოხსენებული ღონისძიების მიზნად ორგანიზატორები ასახელებენ ობიექტური ინფორმაციის გაცემას ჰომოსექსუალობის ისტორიასთან დაკავშირებით, ლგბტ კულტურული მოღვაწეების წვლილის აღწერას და ტოლერანტობის გავრცელებას საზოგადოებაში.
წყარო:http://www.care2.com/causes/civil-rights/blog/moscow-oks-gay-pride-parade-for-the-first-time/
