ორგანიზატორების თქმით მსვლელობის მიზანი იყო 8 მარტისთვის მისი პირველადი მნიშვნელობის დაბრუნება, რომელიც გენდერული თანასწორობის მხარდაჭერაში, ქალებისთვის გადაწყვეტილების მიღების პროცესისადმი ხელმისაწვდომობასა და ოჯახური ძალადობისადმი საზოგადოებრივი ყურადღების მიპყრობაში მდგომარეობს. მსვლელობა ქალაქის მერიასთან დაიწყო და მთავრობის სახლისა და პარლამენტის შენობის მიმართულებით გაგრძელდა.
აქციის იდეური შთაგონების წყაროდ მასში მონაწილე არასამთავრობო ორგანიზაცია GenderDocM-ის თანამშრომლები და მოხალისეები გახდნენ.
აქციაზე გამოყენებულ ლოზუნგებს შორის იყო:
"ვცვლით ქვაბებს დეპუტატის მანდატზე!"
"ქალის ადგილი სამზარეულო კი არა, - პარლამენტია!"
"ნუ აგვაფარებთ თვალებზე ყვავილებს!"
"დიასახლისის ადგილი მერიაშია!"
"დღეს ყვავილები - ხვალ მუშტი და დამცირება!"
მონაწილეებმა, ასევე აირჩიეს ოთხი ცნობილი მოლდაველი პოლიტიკოსის სახელი, რომელსაც ტოლობის ნიშნით შესაბამისი ქალის სახელი მიაწერეს (მაგალითად: მარინ=მარინა; დორინ=დორინა).
ბევრმა მონაწილემ თან ქვაბები, ჯამები, თეფშები და კოვზები წამოიღო, რათა ხაზი გაესვა ქალის ადგილისათვის დღევანდელ პატრიარქალურ, სექსისტურ და დისკრიმინაციულ საზოგადოებაში.
ზოგიერთ მათგანს წინსაფარი ეკეთა, რითაც ყურადღებას ამახვილებდა იმაზე, რომ ქალის ადგილი სამზარეულოში კი არა, არამედ მისი ქვეყნის სოციალურ და პოლიტიკურ ცხოვრებაშია.
მიუხედავად იმისა, რომ 8 მარტი ოფიციალური დასვენების დღეა, აქციაში სხვადასხვა ორგანიზაციის წარმომადგენელმა, 70-ზე მეტმა ადამიანმა მიიღო მონაწილეობა. ეს ორგანიზაციებია:
Amnesty International Moldova, Pro Gen (ორგანიზაცია გენდერული თანასწორობისათვის), ანტიდისკრიმინაციული კოალიცია, “EVS”-ის მოხალისეები და სხვა.
ავტორი: ანასტასია დანილოვა
აქცია გააშუქა მოლდავეთის მედიამ:
http://m.protv.md/stiri/social/protest-feminist-in-chisinau-egali-la-bucatrie-si-la-parlament.html/ http://www.stireazilei.md/news-7591/ http://www.publika.md/de-8-martie--protest-cu-cratite-la-guvern_249271.html
