დებატები მოლდავეთში ანტიდისკრიმინაციული კანონის მიღებაზე
18 03 2011

მოლდავეთის პარლამენტი ამჟამად ანტიდისკრიმინაციულ კანონთან დაკავშირებულ დებატებს აწარმოებს. კანონმა უნდა უზრუნველყოს სხვადასხვა საფუძველზე, მათ შორის სექსუალური ორიენტაციის ნიადაგზე დისკრიმინაციისგან დაცვა. კანონპროექტი მოლდავეთის პარლამენტმა დაამტკიცა და მან ახლა პარლამენტარების ხელში გადაინაცვლა.

ზემოსხენებულმა კანონპროექტმა ძლიერი რეაქცია გამოიწვია რელიგიურ ორგანიზაციებში, რომელთაც მემარჯვენე ამერიკელი ევანგელისტები აქეზებენ. ეს რელიგიური ორგანიზაციები ეწინააღმდეგებიან კანონის მიღებას, რადგან თვლიან, რომ ეს ”გეი კანონია”.

პარლამენტართა ნაწილი, აგრეთვე მოუწოდებს კანონიდან სექსუალური ორიენტაციის ამოღებისკენ და ღია ჰომოფობიურ განცხადებებს აკეთებს.

დღეს, მოლდავეთის პარლამენტის შენობასთან 150 კაციანი საპროტესტო აქცია გაიმართა. მონაწილეები შემდეგი ლოზუნგის ქვეშ იყვნენ გაერთიანებულნი: ”ჰომოსექსუალებო, დარჩით სახლში!”

მოლდავეთმა, როგორც ევროსაბჭოს წევრმა ქვეყანამ, მხარი დაუჭირა ევროსაბჭოს რეკომენდაციას სექსუალური ორიენტაციისა და გენდერული იდენტობის საფუძველზე დისკრიმინაციასთან ბრძოლის თაობაზე. ამასთან ერთად, გაეროს ადამიანის უფლებათა კომიტეტმა 2009 წელს მოუწოდა მოლავეთს ზემოხსენებული კანონი მიეღო.

წყარო:http://ilga-europe.org/home/news/for_media/media_releases/ilga_europe_calls_on_moldovan_parliamentarians_to_adopt_an_inclusive_anti_discrimination_law_and_refrain_from_hateful_statements



ფოტო
ტყის ვარდი | ტრანს აუდიო გასეირნება
"ყველა ჩვენგანის ცხოვრებაში არის ქუჩები, რომლებსაც ყოველდღე გავდივართ, რომელიც  ამ ყოველდღიური ნორმალობის ნაწილი ხდება, მაგრამ სხვა ადამიანები ამ ადგილებს, სახლებს, თუ შენობებს სხვაგვარად ხედავენ." "ტყის ვარდი" - ტრანს აუდიო გასეირნება" მარეიკე ვენცელის იდეით და ტრანს თემის თანამონაწილეობით შექნილი კიდევ ერთი უნიკალური პროექტი და გაგრძელებაა თანამშრომლობის იმ მნიშვნელოვანი პროცესის, რომელიც გასულ წელს პერფორმანსით "ღამე და დღე" დაიწყო. ტრნს აუდიო გასეირნება მცდელობაა, რუკის მეხსიერებაში მოვნიშნოთ უფრო მეტი, ვიდრე კონკრეტული ადგილები და ერთმანეთს შევახსენოთ, რომ "ეს ქალაქი ბევრი ადამიანისაა, რომ ამ ადამიანებს ბევრი სხვადასხვა ცხოვრება და გზა აქვთ, და რომ ამ გზაზე შეიძლება ნებისმიერ მათგანთან ერთად გაიარო."
ტყის ვარდი | ტრანს აუდიო გასეირნება
სიძულვილს გადარჩენილი ადამიანები იქ, სადაც სიყვარული აკრძალულია
გრადაცია | ინსტალაცია ტრანს ხსოვნის დღისთვის
ერთი დღე "ჰომოფობიის ლაბირინთში"