ებრაული გაზეთის „Ma’ariv“ -ის მიხედვით, საბოლოო გადაწყვეტილება მიღებულია და შმიტს მიეცემა საშუალება ისრაელში დარჩეს.

თომას შმიტი გერმანელია და ისრაელში 2004 წლიდან ცხოვრობს. მისი პარტნიორი ნირ კაცი თელ–ავივის ლგბტ ცენტრში2009 წლის პირველ აგვისტოს მოკლეს. შმიტი თერთმეტ დაჭრილთაგან ერთ-ერთი იყო. კაცის მშობლები შმიტს გამოჯანმრთელებაში დაეხმარნენ და ისინი მას ოჯახის წევრად მიიჩნევენ. მას გერმანიაში საკუთარ ოჯახთან კავშირი გაწყვეტილი აქვს.

როდესაც კაცი დაიღუპა, წყვილი პერმანენტული პარტნიორობის სტატუსის მისაღებად განაცხადს აკეთებდა. შმიტის ბინადრობის უფლება მალევე ამოიწურა და ისრაელმა ქვეყანაში დარჩენის მისი მოთხოვნა არ დააკმაყოფილა. დღეისათვის, ქვეყნის მთავრობამ შეცვალა პოზიცია და შმიტს ქვეყანაში დარჩენის უფლებას მისცა.

ისრაელი აღიარებს სხვა ქვეყნებში შემდგარ ერთსქესიან ქორწინებებს. ჰეტეროსექსუალ წყვილთა უმეტესობაც არ ქორწინდება ისრაელში. რადგან, მხოლოდ ორთოდოქს რაბინებს აქვთ უფლება წყვილი დააქორწინონ, ხოლო მოსახლეობის დიდი ნაწილი ორთოდოქსი არაა, ისინი სხვაგან ქორწინდებიან და მათი ქორწინება ისრაელში კანონიერადაა ცნობილი.

წყარო: http://www.dallasvoice.com/tel-aviv-shooting-victim-deported-calls-lgbt-groups-1064157.html