ტაილანდი: პირველი ტრანსგენდერი ქალი პოლიტიკაში
02 06 2012

ტაილანდში, ისტორიაში პირველმა ტრანსგენდერმა ქალმა ადგილობრივ არჩევნებში გაიმარჯვა, და ერთ–ერთი პროვინციის საკრებულოს პირველი ღიად ტრანსგენდერი წევრი გახდა.

იოლანდა სუანიოსმა, დოქტორანტმა კანდიდატმა, რომელიც სატელიტურ სატელევიზიო არხს ხელმძღვანელობს და საკუთარი საიუველირო ბიზნესი აქვს, ნანის პროვინციის საკრებულოში ადგილისათვის ბრძოლაში მამრობითი სქესის მეტოქეები დაამარცხა.

ქალბატონი სუანიოსი ასევე ტრანსგენდერი პოპ ჯგუფის წევრია, სახელად Venus Flytrap, სადაც მისი მეტსახელი Posh Venus გახლავთ.

პირველი ტრანსგენდერი პოლიტიკოსი ტაილანდში ამჟამად 30 წლისაა და გამარჯვება მან სავალდებულო რაოდენობაზე 150 –ით მეტი ხმით მოიპოვა (სულ 3,808 ხმა) აცხადებს ადგილობრივი მედია.

საჯარო განცხადებაში, ქალბატონმა საუნიოსმა, რომელმაც სქესის კორექციის ოპერაცია 16 წლის ასაკში ჩაიტარა, განაცხადა, რომ პროვინციის საკრებულოში მისი პოზიცია, დაეხმარება ქალთა – და განსაკუთრებით ტრანსგენდერ ქალთა – პრობლემების წინ წამოწევაში. მან ასევე დაიფიცა რომ ლგბტ უფლებების საკითხს პარლამენტამდე მიიტანდა.

ტაილანდი, საერთოდ უფრო მიმღებია ტრანსგენდერი ქალების მიმართ, რომლებსაც აქ „კატოი“–ს უწოდებენ (ინდოეთში „კოტი“), თუმცა მათი ხილვადობა, როგორც წესი შოუ ბიზნესით შემოიფარგლება.

წყარო:http://www.pinknews.co.uk/2012/05/30/thailand-trans-woman-becomes-the-first-to-win-elections-to-public-office/



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
ქვიარ დების გარბენი - სოციალური და გარემოსდაცვითი სამართლიანობა
ერთი დღე "ჰომოფობიის ლაბირინთში"
"ღამე და დღე" | ტრანს პერფორმანსი