სიახლეები
გოგონების რაოდენობა ინდოეთში კვლავ დაბლა იწევს
30 09 2011
https://lesbi.ge/s/8kr/
1932

„Census“-ის 2011 წლის ანგარიშის თანახმად, ინდოეთში ბავშვების სქესთა შეფარდების მაჩვენებელი წარმოადგენს 914 გოგონას 1,000 ბიჭზე. ეს გახლავთ დამოუკიდებლობის შემდეგ ყველაზე დაბალი მაჩვენებელი, რაც მიუთითებს, რომ საზოგადოებაში უპირატესობას კვლავაც მამრობითი სქესი ინარჩუნებს.

სელექციური აბორტის შეჩერებისაკენ მიმართული კანონებისა და ოჯახებისათვის გოგონების შენარჩუნება-გაზრდაში ხელშეწყობისათვის შემუშავებული სქემების მიუხედავად, მაჩვენებელი 2001 წლის შემდეგ 927 გოგოდან 914-ზე ჩამოვიდა, რაც უაღრესად პრობლემატურ საკითხად შეაფასა „Census“-ის რწმუნებულმა ს. ჩანდრამაული.

მიუხედავად ზემოთმოყვანილი მონაცემებისა, მზარდი მაჩვენებელი (0-6 წლის ბავშვებში) შეინიშნება ფანჯაბში, ჰარიანაში, ჰიმჩალ პრადეშში, გუჯარათში, თამილ ნადუში, მიზორამის, ანდამანისა და ნიკობარის კუნძულებზე. დანარჩენ 27 შტატსა და ოლქების ტერიტორიაზე ბავშვების სქესთა მიმართების მაჩვენებელი 2001 წლის „Census“-ის მონაცემებთან შედარებით დაბლა იწევს.

წყარო:http://articles.economictimes.indiatimes.com/2011-03-31/news/29365989_1_ratio-males-girl-child



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
ერთი დღე "ჰომოფობიის ლაბირინთში"
ტყის ვარდი | ტრანს აუდიო გასეირნება
ქვიარ დების გარბენი - სოციალური და გარემოსდაცვითი სამართლიანობა