სიახლეები
გუგლის კამპანია ერთსქესიანი ქორწინების ლეგალიზაციისთვის
09 07 2012
https://lesbi.ge/s/c8u/
1990

გუგლმა მსოფლიოში ერთსქესიანი ქორწინების ლეგალიზაციისადმი მიძღვნილი ამბიციური კამპანია წამოიწყო. პროექტი, რომელსაც “Legalize Love,” ჰქვია, ლონდონში გამოცხადდა საერთაშორისო სამიტზე სახელწოდებით ლგბტ საკითხები სამუშაო ადგილზე.

კამპანია ოფიციალურად 7 ივლისს გაიხსნა პოლონეთსა და სინგაპურში. გუგლი აპირებს, რომ თანდათანობით გაავრცელოს ეს ინიციატივა ყველა ქვეყანაში, სადაც კომპანიას წარმომადგენლობა გააჩნია და განსაკუთრებული ყურადღება მიაქციოს იმ ქვეყნებს, სადაც ჰომოფობიური კულტურები ან/და ჰომოფობიური კანონები არსებობს.

გუგლის წარმომადგენელმა მარკ პალმერ–ედჯკომბმა განაცხადა: „ ჩვენ გვსურს, რომ ჩვენს თანამშრომლებს, რომლებიც გეები, ლესბოსელები ან ტრანსგენდერები არიან, ისეთივე დადებითი გამოცდილება ჰქონდეთ ოფისს გარეთ, როგორც სამუშაო ადგილზე. ეს, რა თქმა უნდა ძალიან ამბიციური წამოწყებაა.“

გუგლის სტრატეგია გულისხმობს პარტნიორული ურთიერთობის განვითარებას კომპანიებსა და ორგანიზაციებს შორის, რომლებიც გრასრუტ კამპანიებს უჭერენ მხარს.

წყარო:http://thinkprogress.org/lgbt/2012/07/07/512554/google-announces-worldwide-campaign-to-legalize-same-sex-marriage/?mobile=nc



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
ერთი დღე "ჰომოფობიის ლაბირინთში"
ტყის ვარდი | ტრანს აუდიო გასეირნება
ქვიარ დების გარბენი - სოციალური და გარემოსდაცვითი სამართლიანობა