მედია ორგანიზაციებმა ზემოხსენებულ ფაქტებს „ემო მკვლელობები“ უწოდეს, რადგანაც უკანასკნელ პერიოდში სამიზნე ჯგუფად სწორედ „ემო“ მოძრაობასთან დაკავშირებული ახალგზარდები იქცნენ, რომლებიც დასავლურ მუსიკას უსმენენ, შავ ტანსაცმელსა და სვირინგებს ატარებენ და თმას უვლიან. ბევრი მათგანი გეი არ არის, მაგრამ ალი ჰილის განცხადებით ისინი გეებად ითვლებიან ბევრი ისლამისტი ფუნდამენტალისტის მიერ ერაყში. მისი თქმით ეს მკვლელობები ძალადობის უფრო დიდი ტალღის ნაწილია, რომელიც გეი მამაკაცების წინააღმდეგ ბოლო ექვსი წლის მანძილზე ხორციელდებოდა.
ჰილიმ აშშ ფარისევლობაში დაადანაშაულა იმიტომ, რომ გასულ წელს ჟენევაში, ჰილარი კლინტონმა ჰომოფობიური მთავრობები დაგმო და იმის შესაძლებლობაც გააჟღერა რომ მსგავსი მთავრობებისათვის ამერიკის შეერთებულ შტატებს ფულადი დახმარების შეწყვეტა შეეძლო.
მას შემდეგ, რაც ეს სტატია პირველად გამოქვეყნდა სახელმწიფო დეპარტამენტის პრესმდივანმა შემდეგი განცხადება გაავრცელა ელექტრონული ფოსტით:
„ჩვენ ვგმობთ ერაყში მომხდარ მკვლელობებსა და ძალადობას, რომლის მსხვერპლიც ადამიანები სექსუალური ორიენტაციის, გენდერული იდენტობისა ან თვითგამოხატვის გამო ხდებიან. ძალადობის მსგავს ფაქტებს დემოკრატიულ საზოგადოებაში ადგილი არ უნდა ჰქონდეს. ჩვენ სიტუაციას თვალყურს ვადევნებთ და ჩვენი შეშფოთება უკვე გამოვთქვით ერაყის მთავრობასთან.“
