სიახლეები
მინსკში პირველად იმართება სექსუალურ უმცირესობათა სანქცირებული დემონსტრაცია
15 02 2011
https://lesbi.ge/s/ckr/
1388

ქალაქ მინსკის აღმასრულებელმა კომიტეტმაპირველად დართო ნება ლგბტ მოძრაობის აქტივისტებს, გაემართათ საჯარო აქცია ჰომოფობიის წინააღმდეგ. ამ ინფორმაციას ბელორუსიული ლგბტ მოძრაობის ერთ-ერთი ლიდერი, სერგეი ანდროსენკო ავრცელებს.

აქცია 14 თებერვალს, მსოფლიოს ბევრ ქვეყანაში პოპულარულ წმინდა ვალენტინის დღესასწაულს, იგეგმება. მინსკის აქციის ორგანიზატორებმა, პროვოკაციების თავიდან ასაცილებლად, გადაწყვიტეს ღონისძიების ადგილმდებარეობის შესახებ ინფორმაცია არ გაავრცელონ.

სერგეი ანდროსენკოს აზრით, მსგავსი ღონისძიების სანქცირება ”ბელორუსიის ლგბტ თემის ისტორიაში ღირშესანიშნავი თარიღია.”

ამასთან ერთად, ორგანიზატორებს ეკრძალებათ ცისარტყელა დროშის - ლგბტ თემის საერთაშორისო სიმბოლოს - გამოყენება. მთავრობის არგუმენტი ის გახლავთ, რომ აღნიშნული დროშა, როგორც სიმბოლო, არ არის ბელორუსიაში დარეგისტრირებული.

წყარო:http://telegraf.by/2011/02/minsk-authorities-sanctioned-rally-of-sexual-minorities-for-the-first-time.html



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
"ღამე და დღე" | ტრანს პერფორმანსი
გრადაცია | ინსტალაცია ტრანს ხსოვნის დღისთვის
ქვიარ დების გარბენი - სოციალური და გარემოსდაცვითი სამართლიანობა