აქციის მშვიდობიან მსვლელობას პოლიცია უზრუნველყოფდა. სამართალდამცავებმა სამი ახალგაზრდა მამაკაცი დააკავეს, რომლებიც ქუჩის მეორე მხარეს იდგნენ და სკინჰედების სიმბოლოებს ატარებდნენ.

„გეი–სთრეით ალიანსმა“ საპროტესტო აქციის გამართვა მას შემდეგ გადაწყვიტა, რაც ახალგაზრდა ქალს, რომელსაც ლგბტ თემატიკის მაისური ეცვა, შაბათს არასრულწლოვანი ბიჭი დაესხა თავს. პროკურატურამ თავდამსხმელის ასაკის გამო მისი თავდებით გამოშვება გადაწყვიტა.

გეი უფლებათა აქტივისტებმა, რომელთაც „გეი–სთრეით ალიანსის“ ხელმძღვანელი - ლაზარ პავლოვიჩი მიუძღვებოდა, პრემიერ მინისტრთან, მირკო ცვეტკოვიჩთან მოითხოვეს შეხვედრა, თუმცა მას შემდეგ, რაც მათი მიღება არავინ ისურვა, აქტივისტებმა მოთხოვნათა სია მთავრობის შენობის შესასვლელზე გააკრეს. სია დაცვის წევრებმა ჩამოიღეს.

მოგვიანებით, დაცვის სამსახურის წევრმა საპროტესტო აქციის მონაწილეებს შეატყობინა, რომ იუსტიციის სამინისტროს სახელმწიფო მდივანი სლობოდან ჰომენი მათ 15:00 საათზე მიიღებდა, მაგრამ აქტივისტებმა ამაზე უარი განაცხადეს და მოითხოვეს, რომ შეხვედრა ხუთშაბათს შემდგარიყო.

ლგბტ თემის წევრები აცხადებენ, რომ მათი თავშეყრის უფლება დაცული უნდა იყოს და მთავრობას მათი პრობლემების გადაჭრაში ჩარევისკენ მოუწოდეს.

წყარო:http://www.b92.net/eng/news/society-article.php?yyyy=2011&mm=10&dd=19&nav_id=76922