მალტა: პირველი კონსტიტუცია ევროპაში, რომელიც გენდერულ იდენტობას ახსენებს ტრანსგენდერ ევროპას განცხადება 14 აპრილს, მალტა პირველი ევროპული ქვეყანა გახდა, რომლის პარლამენტმაც ერთსულოვნად მისცა ხმა კონსტიტუციაში ისეთი ჩანაწერის დამატებას, რომლის მიხედვითაც, გენდერული იდენტობის საფუძველზე დისკრიმინაცია უკვე კონსტიტუციურ დონეზე დარეგულირდება. პარლამენტმა ასევე წარადგინა სამოქალაქო პარტნიორობის კანონი, რომელიც სამოქალაქო პარტნიორობაში მყოფ ჰომოსექსუალ და ჰეტეროსექსუალ წყვილებს თითქმის იმავე უფლებებს ანიჭებს, რასაც დაქორწინებულ წყვილებს. ტრანსგენდერ ადამიანებს, რომელთა გენდერიც სამართლებრივად აღიარებულია, ამიერიდან დაქორწინებაც შეუძლიათ. „შესანიშნავი ამბავია! მალტამ გრძელი გზა განვლო. ვულოცავთ აქტივისტებს, რომლებიც მთელი ამ წლების განმავლობაში, ტრანსგენდერი ადამიანების უფლებათა დასაცავად იბრძოდნენ“ - განაცხადა ტრანსგენდერ ევროპას აღმასრულებელმა დირექტორმა, ჯულია ერტმა. „ეს ბევრი ქვეყნისთვისა მოწოდებაა, რომ იბრძოლონ ტრანსგენდერული იდენტობების შესახებ ცრურწმენებისა და მცდარი შეხედულებების წინააღმდეგ და ხმამაღლა და გარკვევით განაცხადონ, რომ ამაყად დგანან თავიანთი ტრანსგენდერი მოსახლეობის გვერდით.“ - ამბობს რიჩარდ კოლერ, ტრანსგენდერ ევროპას პოლიტიკის ოფიცერი. პარლამენტარებმა ანტი-დისკრიმინაციული კანონიც გააძლიერეს, რომლიც ტრანსგენდერ ადამიანებს დისკრიმინაციისგან უკეთ დაიცავს. გენდერის სამართლებრივი აღიარების პროცედურების შესახებ კანონპროექტი მზადების პროცესშია. მალტელი აქტივისტების თქმით, იგი არგენტინული გენდერული იდენტობის აქტის მიხედვით დაიწერება. „მოვუწოდებთ მალტელ კანონმდებლებს შექმნან მაქსიმალურად ეფექტური კანონი. ტრანსგენდერი ადამიანები გენდერის სამართლებრივი აღიარების სწრაფ, გამჭვირვალე და ხელმისაწვდომ პროცედურების იმსახურებენ.“ - რიჩარდ კოლერი. წყარო