ლიბანის დედაქალაქ ბეირუთში საინტერესო წიგნი გამოქვეყნდა სახელწოდებით – “Bareed Mista3jil: True Stories”, რაც არაბულიდან ითარგმნება, როგორც “სასწრაფო ფოსტა”, ხოლო ინგლისურიდან - როგორც “ნამდვილი ისტორიები”. იგი ლიბანში მცხოვრები ლესბოსელი, ბისექსუალი და “ქვიარ” ქალებისა, და ტრანსსექსუალი ადამიანების შესახებ პირველი ოფიციალური გამოცემაა. წიგნი დაიბეჭდა ლიბანური ლბ ორგანიზაცია “მიიმის” მიერ, ხოლო მისი პრეზენტაცია, რომელიც 30 მაისს ქ. ბეირუთშივე შედგა, სხვა ადგილობრივი უფლებათა დამცველი ჯგუფების: “ფემინისტური კოლექტივისა” და “დამოუკიდებელ აქტივისტთა ლიგის” ხელმძღვანელობით ჩატარდა. საღამოზე, რომელსაც 400-ზე მეტი ადამიანი ესწრებოდა, სხვადასხვა ნაწყვეტები წაიკითხეს წიგნიდან.
ლიბანში მცხოვრები ლესბოსელი, ბისექსუალი და “ქვიარ” ქალებისა, და ტრანსგენდერი ადამიანების 41-მდე რეალური, პირადი ისტორიის ერთ კრებულად გამოცემა, როგორც წიგნის ვებ-გვერდზე განთავსებული მიმოხილვა გვამცნობს, “მითების გაფანტვასა და ლიბანის სხვადასხვა საზოგადოებებში უხილავად და ჩუმად არსებულ სიცოცხლეთა იმედის წარმოჩენას” ისახავს მიზნად.
“სასწრაფო ფოსტა” ინგლისურ და არაბულენოვანია და იგი ივნისის დასაწყისიდან უკვე იყიდება ლიბანის ყველა მსხვილ წიგნის მაღაზიაში. უახლოეს მომავალში, მისი ინტერნეტით შეძენაც გახდება შესაძლებელი.
დამატებითი ინფორმაციისათვის, ეწვიეთ წიგნის ვებ-გვერდს.
