ზემოხსენებულმა ორმა ფაქტმა ვიეტნამურ საზოგადოებაში აზრთა სხვადასხვაობა გამოიწვია. ზოგიერთი თვლის, რომ ეს დადებითი ნიშანია, რომელიც უფრო ღია და მიმღებ საზოგადოებაზე მეტყველებს, სხვები კი ამბობენ, რომ ეს ცუდი მაგალითია ახალგაზრდებისთვის.
სოციალური, ეკონომიკური და გარემოს კვლევის ინსტიტუტის დირექტორი, ლე ქუანგ ბინჰი ამბობს, რომ ვიეტნამში ჰომოსექსუალური ქორწინება და სიყვარული ჯერ კიდევ მგრძნობიარე საკითხია, რომელმაც განსაკუთრებული ყურადღება მიიპყრო ზემოხსენებული ორი საჯარო საქორწინო წვეულების შემდეგ. საკითხთან დაკავშირებით ორი ერთმანეთის საწინააღმდეგო აზრი არსებობს. ეროვნული ასამბლეის წარმომადგენელი, პროფესორი ნგუიენ მინჰ თუიეტი აცხადებს, რომ ვიეტნამმა მალე უნდა მოამზადოს კანონი ერთსქესიან ქორწინებაზე, მაშინ, როცა სოციოლოგიის დოქტორი –ტრინჰ ჰოა ბინჰი აცხადებს, რომ ჰომოსექსუალობა ვიეტნამში მიღებული არაა და საჭიროა ჰომოსექსუალობით შეცდენილი ადამიანები დავარწმუნოთ საკუთარ შეცდომაში და თანდათანობით ნორმას დავუბრუნოთ.
