ამერიკის შეერთებული შტატების სახელმწიფო მდივანი ჰილარი კლინტონი ბრიტანული საქველმოქმედო ფონდისაგან ჯილდოს მიიღებს იმ სამუშაოსთვის, რომელიც მან ლესბოსელი, გეი, ბისექსუალი და ტრანსგენდერი ადამიანების კეთილდღეობისათვის შეასრულა.

ფონდი აღიარებს იმ საერთაშორისო ყურადღებას, რომელიც მან ლგბტ უფლებებს მიაპყრო ჟენევაში 2011 წლის დეკემბერში წარმოთქმული სიტყვით.

ზემოხსენებულ სიტყვაში მისის კლინტონმა განაცხადა, რომ ”ჰომოსექსუალობა დანაშაული აღარასოდეს უნდა იყოს”, და დასძინა რომ აშშ შეებრძოლებოდა მსოფლიო მასშტაბით ჰომოსექსუალობის კრიმინალიზაციის მცდელობებს.

ფონდ Kaleidoscope Trust-ის წარმომადგენელმა ჰარჯიტ ჯოჰალმა განაცხადა, რომ აშშ სახელმწიფო მდივან ჰილარი კლინტონს არა მხოლოდ სწამს რომ ლგბტ უფლებები ადამიანის უფლებებია, არამედ იღწვის იმისათვის, რომ ამ უფლებათა აღიარება მოხდეს.

მისის კლინტონი ჯილდოს მიიღებს მსოფლიო პრაიდ ღონისძიების ფარგლებში გამართულ საგანგებო ცერემონიაზე მიიღებს, რომლის მიზანიცაა საზოგადოებაში ცნობიერების ამაღლება იმ ადამიანების შესახებ შესახებ, ვინც ჩაგვრასა და დევნას განიცდის საკუთარი სექსუალობის გამო.

ღონისძიება, რომელშიც ლგბტ უფლებების შესახებ საერთაშორისო კონფერენცია და სხვადასხვა საღამოები შედის, 23 ივნისს დაიწყება ლონდონში და 8 ივლისამდე გასტანს. ღონისძიების ყველაზე მნიშვნელოვანი ნაწილი 7 ივლისს დაგეგმილი მსველობაა.

წყარო:http://www.google.com/hostednews/ukpress/article/ALeqM5iJ_vLytXfMhS0EnyMngPPLeYFMJw?docId=N0114201336229776920A