ტაილერი, რომელიც საშუალო სკოლას ამთავრებს ცოტა ხნის წინ გადავიდა Q High-ში, რადგან წინა სკოლაში სხვა მოსწავლეების მხრიდან ბულინგის გამო უფრო მეგობრული და შემწყნარებლური გარემოს პოვნა გადაწყვიტა.
ტაილერის თქმით ახალ სკოლაში ყველა იღიმის და ყველას ერთმანეთის გაცნობა სურს. ტაილერის მსგავსი სტუდენტებისათვის სკოლის კარი უკვე ერთი თვეა ღიაა.
აშშ-ს სკოლებში ჩატარებული კვლვევები ადასტურებს, რომ ის ლგბტ სტუდენტები, რომლებიც ტრადიციული სკოლებიდან გამოდიან ან ირიცხებიან, ხშირად ხშირად საერთოდ ანებებენ სწავლას თავს.
სკოლის პროგრამის კოორდინატორის კადო სტიუარტის განცხადებით მთავარია უსაფრთხო გარემოს შექმნა, სადაც ახალგაზრდები თავს დაფასებულად იგრძნობენ. მისივე განცხადებით ეს სკოლა ალტერნატიულ სივრცეს სთავაზობს იმ სტუდენტებს, ვინც ჩვეულებრივ სკოლებში ვერ გრძნობს თავს დაცულად.
სკოლის შენობა ასევე მასპინძლობს ახალგაზრდულ ცენტრს, რომელიც ლესბოსელი, გეი, ბისექსუალი და ტრანსგენდერი სტუდენტებისათვის სპეციფიკურ რესურსებს უზრუნველყოფს, როგორიც მაგალითად ქამინგაუთის გაკვეთილია.
ამ დრომდე სკოლაში 14 სტუდენტი დარეგისტრირდა. სკოლის შენობას, ამჟამად 25 სტუდენტის გამასპინძლება შეუძლია. ტაილერის განცხადებით მსგავსი აზროვნების სტუდენტებთან ურთიერთობისას ადამიანი სწავლობს იცხოვროს ისე, რომ საზოგადოებრივ აზრს ნაკლები მნიშვნელობა აქვს.
