სომხეთმა აღნიშნა სიჩუმის დღე

14 04 2011

1641

სიჩუმის დღე არის ღონისძიება, რომლის დანიშნულებაცაა ლგბტ ადამიანების დაცინვისა და სკოლაში მათზე ძალადობისადმი საზოგადოებრივი ყურადღების მიპყრობა. საშუალო სკოლის მოსწავლეთა და სტუდენტთა ნაწილი ერთგვარ სიჩუმის ფიცს დებს, რათა სხვა სტუდენტებსა და მოსწავლეებს მოუწოდოს ლგბტ ადამიანების წინააღმდეგ მიმართული ქცევის პრობლემა არ უგულვებელყონ. ღონისძიება იმის საილუსტრაციოდაა ჩაფიქრებული, რომ ძალადობის მსხვერპლი ადამიანები ხშირად იძულებულნი არიან გაჩუმდნენ.

ზემოხსნებულ იდეას სომხეთი შემდეგნაირად უერთდება:

ჩვენ არ ვიქნებით მისაწვდომები მსოფლიოსთვის 15 აპრილს; არ ვუპასუხებთ სატელეფონო ზარებს, იმეილებს, არ გვექნება არავითარი აქტივობები და მომსახურება. 15 აპრილს ჩვენ გავჩუმდებით...

1996 წელს ამერიკის შეერთებულ შტატებში ვირჯინიის უნივერსიტეტის სტუდენტებმა პირველად მოაწყვეს სიჩუმის დღე კლასში მოცემული დავალების შესაბამისად, რომელიც არაძალადობრივ პროტესტს ეხებოდა. ღონისძიებაში 150 სტუდენტზე მეტმა მიიღო მონაწილეობა. 2001 წელს Gay, Lesbian and Straight Educational Network (GLSEN) ღონისძიების ოფიციალური სპონსორი გახდა. GLSEN იღწვის ისეთი მსოფლიოსთვის, სადაც ყველა ბავშვი ისწავლის, მიიღოს და პატივი სცეს ადამიანებს.

წყარო: http://pinkarmenia.blogspot.com/2011/04/we-keep-silence.html