2011 წლის 15 მაისს, გვიან ღამით, მეგობრულად განწყობილი ბარის „Rainbow Bar“-ის პერსონალი და კლიენტები მეზობლების მხრიდან არაპროვოცირებული ჰომოფობიური თავდასხმის მსხვერპლნი გახდნენ. თავდასხმაში რამდენიმე ადამიანი მძიმედ დაშავდა, ხოლო ბარს საგრძნობი ზარალი მიადგა. დაწესებულებაში ამ დროს 2011 წლის პრაიდის კვირეულთან დაკავშირებული დრეგ კონკურსი იმართებოდა. კიდევ უფრო შემაშფოთებელი ის გახლავთ, რომ თვითმხილველთა გადმოცემით პოლიციამ უარი განაცხადა მიმდინარე მოვლენებში ჩარეულიყო, სანამ მათ 500 ამერიკულ დოლარს არ გადაუხდიდნენ.

ზემოხსენებული თავდასხმა 2011 წლის პრაიდის კვირეულს დაემთხვა, რომლის მიზანიცაა შემწყნარებლობის გავრცელება და სექსუალური და გენდერული მრავალფეროვნების ზეიმი. კამბოჯაში ამ კვირეულმა დიდი წარმატებით ჩაიარა. 1,300-ზე მეტმა ადამიანმა გამოხატა თავისი მხარდაჭერა მიიღო რა მონაწილეობა ქვეყნის სხვადასხვა ნაწილში მიმდინარე ღონისძიებებში. ამგვარი ღონისძიებების პოპულარობამ ცხადჰყო, რომ რიგითი კამბოჯელები შემწყნარებლები ხდებიან ლგბტ ადამიანების მიმართ.

მსგავსი თავდასხმები ნამდვილად შემაშფოთებელია, თუმცა პოლიციის მხრიდან მოვალეობის შესრულებაზე და ბარის თანამშრომლებისა და კლიენტებისთვის უსაფრთხოების უზრუნველყოფაზე უარის თქმა გაცილებით უფრო სერიოზული საკითხია. მსგავსმა მაგალითმა სამართალდამცავების მხირდან შეიძლება ახალი ჰომოფობიური და ტრანსფობიური თავდასხმები წაახალისოს.

წყარო:http://madikazemi.blogspot.com/2011/06/in-cambodia-gay-bar-attacked-police.html?utm_source=feedburner&utm_medium=feed&utm_campaign=Feed%3A+SaveMehdiKazemi+%28LGBT+asylum+news%29&utm_content=FaceBook