ჰომოსექსუალობის მიზეზი პერუში
27 11 2011

პერუს ერთ–ერთ ქალაქის, ჰუარმეის მერი ხოსე ბენიტესი ძალიან შეწუხებულია იმ ფაქტით, რომ მისი ქალაქის სასმელ წყალში სტრონციუმის მაღალმა შემცველობამ ადგილობრივი მამაკაცები შეიძლება ჰომოსექსუალებად აქციოს. ბენიტესის თქმით, სტრონციუმი მამაკაცური ჰორმონების გამოყოფას ამცირებს და ის შიშობს, რომ ჰუარმეი მალე ტაბალოსოსსა და პერუს სხვა ისეთ ქალაქებს დაემსგავსება, სადაც „ჰომოსექსუალობის რაოდენობამ იმატა".

ქალაქი ტაბალოსოსი ცენტრალურ პერუში, სან მარტინის რეგიონშია განლაგებული.სწორედ აქედან მარაგდება ჰუარმეი სასმელი წყლით. რამდენიმე წლის წინ, ადგილობრივ სატელევიზიო გადაცემაში განაცხადეს, რომ ქალაქში ჰომოსექსუალი მოსახლეობის მნიშვნელოვანი მატება შეინიშნებოდა.

ლიმას ფარმაცევტული ქიმიის კოლეჯის დეკანმა, დოქტორ რობერტო კასტრო როდრიგესმა პერუს რადიოს განუცხადა, რომ სტრონციუმის მაღალმა შემცველობამ ორგანიზმში შეიძლება გამოიწვიოს სიმსივნე, ანემია და გულ–სისხლძარღვთა გართულებები, მაგრამ არა ჰომოსექსუალობა.

წყარო: http://boingboing.net/2011/11/26/peruvian-mayor-strontium-in-w.html



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
ერთი დღე "ჰომოფობიის ლაბირინთში"
"ღამე და დღე" | ტრანს პერფორმანსი
ტყის ვარდი | ტრანს აუდიო გასეირნება