ეპისკოპალური სკოლის დეკანისა და დირექტორის ქეთრინ ჰენკოკ რეგსდეილისა და მელი ლოიდის შეუღლება, პირველი ლესბოსური ქორწილია, რომელსაც მასაჩუსეცის ეპისკოპალური ეპარქიის ეპისკოპოსმა თომას შოუმ უხელმძღვანელა.
წყვილი ერთმანეთს 2008 წლის 30 ივნისს შეხვდა საერთო მეგობრის მეშვეობით. ლოიდის თქმით, იმ დროისთვის ორივენი ბევრს მოგზაურობდნენ და მხოლოდ ტელეფონით შეეძლოთ საუბარი. მისი თქმით, როცა კომუნიკაცია ტელეფონით ხდება, ურთიერთობა უფრო სწრაფად ღრმავდება, ვიდრე, როცა ადამიანთან პირადად ატარებ დროს. ყოველ შემთხვევაში მათი ურთიერთობა სწორედ ასე განვითარდა.
მიუხედავად იმისა, რომ ეპისკოპალური ეკლესიის კანონების მიხედვით ქორწინება მხოლოდ მამაკაცსა და ქალს შორისაა დაშვებული, 2009 წლის ივლისის გენერალურ კონვენციაზე გადაწყდა, რომ ეპისკოპოსებს, განსაკუთრებით კი იმ სამოქალაქო ეპარქიებში, სადაც ერთსქესიანი ქორწინება კანონიერია, ერთსქესიანი წყვილების შეუღლების ნება დაერთოთ.
2009 წლის ნოემბერში, შოუმ გაავრცელა საკუთარი გადაწყვეტილება მასაჩუსეცის ეპარქიაში მრევლში შემავალი ერთსქესიანი წყვილებისთვის დაქორწინების უფლება მიეცა - მრევლი ამას დიდხანს ელოდა, რადგან მასაჩუსეცში ერთსქესიანი ქორწინება 5 წლით ადრე დაკანონდა.
