ამერიკის ცენტრალური დაზვერვის სამსახურმა და ეროვნული დაზვერვის უწყების დირექტორმა ცოტა ხნის წინ უმასპინძლეს დაზვერვის თანამშრომელთა პირველ ლესბოსელ, გეი, ბისექსუალ და ტრანსგენდერ სამიტს. მონაწილეებს შორის იყვნენ სადაზვერვო სამსახურებში მომუშავე ლგბტ ადამიანები ცხრა სადაზვერვო სააგენტოდან და ასევე მათი ლიდერები. სამიტის მიზანი იყო დაზვერვის სააგენტოების მხრიდან თანამშრომლებში ჩართულობის, მაღალი შესრულებისა და განსხვავებულობის მხარდაჭერა.
ცენტრალური დაზვერვის სამსახურის დირექტორმა სიუ ბრომლიმ, მისასალმებელ სიტყვაში განაცხადა, რომ როდესაც ის უყურებს სააგენტოს მიერ დასახულ მისიასა და გადასალახ წინააღმდეგობებს, ის ყოველთვის უყურებს იმედის თვალით, სააგენტოს მთავარ რესურსს - ადამიანებს."იმისათვის, რომ ჩვენმა ხალხმა მაქსიმუმი გააკეთოს საქმისთვის, უნდა უზრუნველვყოთ ისეთი გარემო, სადაც ყველა მოერგება, ყველა დაცულად და კომფორტულად იგრძნობს თავს, რათა მათ მოახერხონ საკუთარი წვლილის შეტანა ამ წინააღმდეგობების დაძლევაში," დასძინა მან.
