სიახლეები
იტალია ჰომოფობიის წინააღმდეგ ერთიანდება
04 05 2011
https://lesbi.ge/s/mdj/
1932

იტალიაში ჰომოფობიის საწინააღმდეგო ახალი კამპანია წამოიწყეს. კამპანიის ავტორი ორგანიზაცია Arcigay გახლავთ სხვა 15 ეროვნულ ორგანიზაციასთან ერთად. ღონისძიება დაემთხვევა წლევანდელ ჰომოფობიასთან ბრძოლის საერთშორისო დღეს.

Arcigay ქვეყნის მასშტაბით გაავრცელებს 23,000 პოსტერს და 45,000 ბროშურას, რომლებზეც ერთსქესიანი წყვილების კოცნაა გამოსახული. კამპანია 50 ქალაქს მოიცავს და წარმოგვიდგენს რამდენიმე სხვა თანხმლებ ღონისძიებასაც. ეს კამპანია იტალიაში მოწყობილ ანტიჰომოფობიურ ღონისძიებათა შორის ყველაზე მასშტაბურია.

Arcigay გვახსენებს, რომ ჰომოფობიასთან ბრძოლა ის ღირებულებაა, რომელიც იტალიის კონსტიტუციაშია ჩაწერილი.

წყარო:http://www.arcigay.it/comunicati/arcigay-italy-united-against-homophobia-homosexual-kisses-in-more-than-50-cities/



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
ერთი დღე "ჰომოფობიის ლაბირინთში"
"ღამე და დღე" | ტრანს პერფორმანსი
გრადაცია | ინსტალაცია ტრანს ხსოვნის დღისთვის