სიახლეები
ჩრდილოეთ ირლანდია გეი და ლესბოსელი წყვილებისთვის ბავშვის შვილად აყვანაზე აკრძალვას აუქმებს
13 12 2013
https://lesbi.ge/s/nqy/
1877
ჩრდილოეთ ირლანდიამ სამოქალაქო პარტნიორობაში მყოფ ჰომოსექსუალ წყვილთათვის ბავშვის შვილად აყვანაზე აკრძალვა გააუქმა. ჰომოსექსუალ და ქორწინებაში არმყოფ წყვილებს ამიერიდან ისევე შეუძლიათ ბავშვის შვილად აყვანა, როგორც ჰეტეროსექსუალ, ქორწინებაში მყოფ წყვილებს შეეძლოთ აქამდე. სასამართლოს ამ გადაწყვეტილებას ჯანმრთელობის მინისტრი ედვინ პუტსი დაუპირისპირდა და განაცხადა, რომ „იმედგაცრუებული“ იყო გაერთიანებული სამეფოს უზენაესი სასამართლოს მიერ მისი იმ მოთხოვნის უარყოფით, რომელიც ერთი სქესის წყვილებისთვის ბავშვის შვილად აყვანის აკრძალვას ითვალისწინებდა. ჩრდილოეთ ირლანდიაში კანონი აქამდე ბავშვის შვილად აყვანის უფლებით სარგებლობის საშუალებას მხოლოდ მარტოხელა გეებსა და ლესბოსელებს აძლევდა, მაგრამ არა სამოქალაქო პარტნიორობაში მყოფთ. ბელფასტის სააპელაციო სასამართლომ პუტსის მიერ 2013 წლის ივნისში წარდგენილი მოთხოვნა უარყო. ამავდროულად, სააპელაციო სასამართლომ დაადგინა, რომ აკრძალვა ურთიერთობის სტატუსის საფუძველზე იყო დისკრიმინაციული და ჰომოსექსუალ წყვილთა უფლებების უხეში დარღვევა. წყარო


ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
გრადაცია | ინსტალაცია ტრანს ხსოვნის დღისთვის
სიძულვილს გადარჩენილი ადამიანები იქ, სადაც სიყვარული აკრძალულია
ტყის ვარდი | ტრანს აუდიო გასეირნება