ლგბტ ორგანიზაციამ «Выход» სამართალდამცავ ორგანოებს გაუგზავნა წერილი რეკომენდაციებით იმის შესახებ, თუ როგორ უნდა მოექცნენ ტრანსგენდერ ადამიანებს. სამწუხაროდ, ტრანსგენდერ ადამიანებს რუსეთში პრაქტიკულად არ აქვთ პოლიციის მხრიდან უსაფრთხოების გარანტიები და შანსი იმისა, რომ მათ მიმართ განხორციელებული სიძულვილით მოტივირებული დანაშაულები სამართლიანად იქნება გამოძიებული, ძალიან მცრიეა. უფრო მეტიც, ხშირად პოლიციელები ტრანსგენდერ ადამიანებს ქუჩის ხულიგნებზე არანაკლებ საფრთხედ ევლინებიან. ძალიან ხშირად მათი ქცევები უმცირესობებთან მიმართებაში მიუღებელია: უარს ეუბნებიან დაცვაზე, ამცირებენ, დასცინიან, ემუქრებიან. ისინი დაუსჯელები რჩებიან, ვინაიდან დაზარალებულებს ხშირად ეშიანიათ მსგავსი ფაქტების გაცხადებისა და ფიქრობენ, რომ ვერ შეძლებენ დამნაშავეთა ბრალეულობის დამტკიცებას. ლგბტ ორგანიზაცია «Выход» აფიქსირებს ასეთ შემთხვევებს სანკტ-პეტერბურგში, თუმცა მსგავსი ისტორიები სხვა ადგილებშიც ხშირია და მათი მხოლოდ მცირე ნაწილი ხდება ცნობილი. რეკომენდაციები ითვალისწინებს პატივისცემით მოპყრობას გარეგნობისა და პასპორტში მითითებული სქესის შეუთავსებლობის შემთხვევაში; პირადი ჩხრეკის ჩატარებას იმ სქესის პირის მიერ, რომელსაც ჩხრეკის ობიექტი მიუთითებს; ასევე ტრანსგენდერების მიმართ წინასწარგანწყობის დაუშვებლობას, მაგალითად, როდესაც გარეგნობის შეუსაბამობა პასპორტში მითითებულ სქესთან ხდება უკანონო ქმედებაში ეჭვის შეტანის საფუძველი. წყარო: http://www.comingoutspb.ru/ru/news/recommendations