"განსხვავებულობის კვლევისა და სათემო აქტივიზმის ასოციაცია" აცხადებს კონკურსს სტუდენტებისთვის: ლესბოსურ, გეი, ბისექსუალურ, ტრანსგენდერ, ქვიერ და ინტერსექსუალობის თემატიკაზე. მონაწილეებს შესაძლებლობა აქვთ მოცემულ საკითხებზე წარმოადგინონ: ესსე, სტატია, დამოუკიდებელი მცირე კვლევა ან პოლიტიკური ნაშრომი.

კონკურსის მიზანია ხელი შეუწყოს LGBTQI საკითხებზე საზოგადოებაში ინფორმირებულობის ამაღლებას, LGBTQI პირების საზოგადოებასთან ინტეგრირებას და LGBTQI პრობლემატიკისა და უფლებების კვლევას.

კონკურსის პირობები:

** მონაწილე უნდა იყოს საქართველოში აკრედიტებული უმაღლესი საგანმანათლებლო დაწესებულების, ბაკალავრიატის ან მაგისტრატურის სტუდენტი.

** ნაშრომი არ უნდა იყოს ლიტერატურული ნაწარმოები, თარგმანი, წიგნის რეცენზია.

** ნაშრომი არ უნდა იყოს მანამდე გამოქვეყნებული.

ტექნიკური მოთხოვნები:

** ნაშრომის მოცულობა: 2000-4000 სიტყვა.

** ფონტი: AcadNusx.

** შრიფტი ზომა: 12

** დაშორება სტრიქონებს შორის: 1.5.

** ენა: ქართული.

კონკურსში მონაწილეობის მსურველებს გთხოვთ, ნაშრომი და CV გამოგზავნოთ 2010 წლის 20 დეკემბრამდე, ელ-ფოსტაზე: info@drcaa.org

კონკურსის გამარჯვებული - I ადგილზე გასული ნაშრომის ავტორი დაჯილდოვდება ფულადი პრიზით - 200 (ორასი) ევროს ექვივალენტი ლარში. კონკურსის II ადგილზე გასული ნაშრომის ავტორი დაჯილდოვდება 100 (ასი) ევროს ექვივალენტით ლარში.

კონკურსის შედეგად გამოვლენილი ნაშრომები განთავსდება განსხვავებულობის კვლევის და სათემო აქტივიზმის ასოციაციის ვებ-გვერდზე.

დამატებითი ინფორმაციისთვის მოგვმართეთ ელ-ფოსტაზე: info@drcaa.org