ახალი პაპი ჰომოსექსუალობაზე
14 03 2013

კათოლიკურ ეკლესიას შეიძლება ახალი პაპი ჰყავდეს, მაგრამ ამაში ახალი არაფერია ლგბტ ადამიანებისათვის. ბუენოს-აირესის არქიეპისკოპოსი კარდილანი ხორხე მარიო ბერგოლიო - რომელსაც, გასულ ოთხშაბათს, პაპ ფრანცის პირველის სახელი მიენიჭა - ხმამაღლა საუბრობდა იმაზე, რომ არ შეიძლება გეებსა და ლესბოსელებს ქორწინებისა და შვილად აყვანის უფლებები მიენიჭოთ. 2010 წლეს გაზეთ L’Osservatore Romano-ში ბერგოლიომ განაცხადა, რომ მონასტრებში ლოცვა უნდა გაძლიერებულიყო იმისათვის, რომ არგენტინელ კანონმდებლებს არ განეხორციელებინათ ერთსქესიანი ქორწინების დაკანონების გეგმა, რადგან ეს „დიდ ზიანს მიაყენებდა ოჯახს“ „სასწორზე არის დაყენებული მამის, დედისა და შვილისაგან შემდგარი ოჯახის იდენტობა. სასწორზე დევს უამრავი ბავშვის ბედი, რომელზეც წინასწარ განხორციელდება დისკრიმინაცია, რადგან ისინი მოკლებულნი იქნებიან, მამისა და დედის მხრიდან შემოთავაზებულ ადამიანურ განვითარებას, როგორც ეს ღვთის ნების მიხედვით არის. სასწორზე დევს ღვთის კანონი, რომელიც ჩვენს გულებშია ამოტვიფრული.“ წყარო: http://www.rawstory.com/rs/2013/03/13/new-pope-same-as-the-old-pope-lgbt-marriage-and-adoption-rights-damage-the-family/


ფოტო
"ღამე და დღე" | ტრანს პერფორმანსი
წარმოდგენის მიხედვით, "ტარტაროზი" ერთადერთი ადგილია, სადაც ღამის ქალღმერთი ნიქსი და მისი ახლობელი ქალღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს. მითოლოგიისა და რეალობის ასეთი გათამაშება კომენტარია თანამედროვე საქართველოში ტრანსგენდერი ადამიანების ყოფაზე, რომელთათვისაც საზოგადოებრივი აგრესია და სიძულვილი ყოველდღიური გამოცდილებაა, ასეთ რეალობაში საკუთარი იდენტობის მუდმივი მალვა და გარდასახვა კი, როგორც თვითგადარჩენის ერთ-ერთი მეთოდი, ერთგვარ პერფორმანსად იქცევა.
"ღამე და დღე" | ტრანს პერფორმანსი
"ვნებები და უფლებები"- ნამუშევრები გამოფენიდან
ქვიარ დების გარბენი - სოციალური და გარემოსდაცვითი სამართლიანობა
ტყის ვარდი | ტრანს აუდიო გასეირნება