ლგბტ ორგანიზაცია Homosocialt Fællesskab-ის დამაარსებელმა ჯობბე იოლლერმა განაცხადა, რომ კოპენჰაგენში განლაგებულ ბარ Never Mind-ის დაცვის წევრმა მის მეგობარს შეყვარებული ბიჭის კოცნა აუკრძალა.

იოლერი ესაუბრა დაცვის წევრს და უთხრა, რომ ეს ჰეტეროსექსუალი ადამიანების დისკრიმინაციაა, რაზეც პასუხად მიიღო, რომ მსგავსი საქციელი (ჰეტეროსექსუალური კოცნა) უადგილოა გეი ბარში და, რომ Never Mind-ის ადმინისტრაცია ბევრ წერილს იღებს გეი სტუმრებისგან იმის შესახებ, რომ ბარს მეტისმეტად ბევრი ჰეტეროსექსუალური სტუმრობს. იოლერმა თქვა, რომ ეს იგივეა, რაც შავკანიან წყვილებს ავუკრძალოთ კოცნა. დაცვის წევრმა შეუპოვრად თქვა, რომ ეს ერთი და იგივე არ იყო და, რომ ბარის მფლობელების გადასაწყვეტია ვის შეეძლება ბარში კოცნა და ვის არა.

იოლერმა მომხდარის შესახებ Never Mind-ის ადმინისტრაციას მისწერა. ბარის მფლობელმა კრისტიან კარისენმა განაცხადა, რომ კოპენჰაგენში ძალიან ცოტა გეი ბარი დარჩა და ამიტომ, თემისათვის მნიშვნელოვანია, რომ Never Mind-მა გეი ბარის სახე არ დაკარგოს. სწორედ ამ მოსაზრებით აიკრძალა ბარში ჰეტეროსექსუალური კოცნა.