ჯეიმს ბონდის ფილმებში ყოველთვის უხვად იყვნენ ბოროტმოქმედები, რომელთა ჰომოსექსუალობაც მათი ქცევიდან და მანერებიდან გამოსჭვიოდა. თუმცა ფილმში “Skyfall”, რომელიც ჯეიმს ბონდის უახლეს ეკრანიზაციას წარმოადგენს, ქვეტექსტები აღარ არის. გეი ბოროტმოქმედი - ხავიერ ბარდემის მიერ შესრულებული პლატინისფერი ქერა რაულ სილვა - საკუთარ სექსუალობას არ მალავს.

ამგვარად, სილვა ადგილს იკავებს კინემატოგრაფის ლგბტ ბოროტმოქმედების პანთეონზე. ეს ბოროტმოქმედები საზოგადოების მსხვერპლნი არიან, მათი დანაშაული მათი ”უკუღმართი” სექსუალობიდან, უპასუხო სიყვარულიდან, საკუთარი თავის სიძულვილიდან, გენდერული დისფორიიდან ან ნორმალურობის სასოწარკვეთილი სურვილიდან იბადება. 90-იანი წლების ბოლომდე ლგბტ ადამიანების წარმოჩენა კინოში, უმეტესწილად მკვლელების, საცოდავების ან საცოდავი მკვლელების სახით ხდებოდა. ამიტომ, შეიძლება თუ არა პროგრესად ჩავთვალოთ რაულ სილვას ღიად გამოხატული სექსუალობა? თუ მაინც რეგრესია, რადგან ისევ ძველებური ბოროტმოქმედულ წარმოჩენასთან გვაქვს საქმე?

წყარო: http://www.salon.com/2012/11/12/cinemas_11_most_memorable_lgbt_villains/