რობ სმიტი ერაყში ომის გამოჩენილი ვეტერანია და ასევე ლგბტ აქტივისტი. ცოტა ხნის წინ მას საშუალება მიეცა თავისი გამოცდილება გაეზიარებინა კოლეჯის სტუდენტებისათვის პენსილვანიაში:
”მაშინ, როცა ვეტერანების ეროვნულ დღეს აღვნიშნავთ, არ უნდა დაგვავიწყდეს იმ ლგბტ ადამიანების წვლილი, რომლებიც ჩვენს ქვეყანას ემსახურებოდნენ ისტორიის მანძილზე და დღემდე უჩინრებად რჩებოდნენ. მას შემდეგ, რაც ”არ იკითხო არ თქვა” კანონი გაუქმდა, ჩვენ გავუხსენით კარი თაობას, რომლის სამხედრო მოსამსახურეებსაც არ მოუწევთ საკუთარი სექსუალური ორიენტაციის დამალვა.
თუმცა მათ მაინც უწევთ წინაღობების გადალახვა ამერიკის შეიარაღებულ ძალებსა და მის გარეთ. გეი და ლესბოსელ ჯარისკაცებს ჯერ კიდევ უწევთ თანასწორი პარტნიორული სოციალური პრივილეგიებისათვის, სამხედრო სამსახურის ანტიდისკრიმინაციულ პოლიტიკაში სექსუალური ორიენტაციის დამატებისათვის და ტრანსგენდერი ადამიანებისათვის ღიად მსახურობის შესაძლებლობისთვის ბრძოლა.
ჩვენ აღარასოდეს გავჩუმდებით და აღარ გავხდებით უხილავები, ჩემი ხმა მხოლოდ ერთია იმ უამრავთაგან, რომლებიც მოიტანენ სრულ თანასწორუფლებიანობას ლგბტ თემისთვის ჩვენს დიდ ერში, რომლის დასაცავად მე უნიფორმას ვატარებდი.”
