ამერიკელების მხრიდან ხანგრძლივი მოლოდინის შემდეგ, აშშ უზენაესმა სასამართლომ გამოაქვეყნა გადაწყვეტილება, რომლის მიხედვითაც „ქორწინების დაცვის აქტის“ (DOMA) მესამე სექცია, რომელიც ქორწინებას განსაზღვრავს, როგორც კავშირს ერთ ქალსა და ერთ მამაკაცს შორის, არაკონსტიტუციურად იქნა ცნობილი, რაც საშუალებას აძლევს ერთსქესიან წყვილებს გამოიყენონ ის 1,100-ზე მეტი შეღავათი, რომლითაც აქამდე მხოლოდ ქორწინებაში მყოფი ჰეტეროსექსუალი წყვილები სარგებლობდნენ. უზენაესმა სასამართლომ საკითხს კენჭი უყარა და 5-4-ზე შეფარდებით სცნო ზემოხსენებული აქტი არაკონსტიტუციურად იმის გამო, რომ ის ართმევდა მოქალაქეებს კონსტიტუციის მეხუთე ჩასწორებით სარგებლობის უფლებას. ერთი სქესის წყვილებს შორის ქორწინება დაშვებულია ამერიკის 9 შტატსა და უოშინგტონ დისიში, ამასთან ერთად, ის ზაფხულის ბოლომდე გახდება ლეგალური როუდ აილენდში, დელაუერსა და მინესოტაში. 2012 წლის ნოემბერში ამერიკის შტატი მერილენდი პირველი გახდა შტატებს შორის, რომლებმაც სახალხო რეფერენდუმის გზით დააკანონეს ქორწინების თანასწორობა. წყარო