მსახიობის წარმომადგენელმა ქრისტიან ჰოდელმა ხალხს მოუწოდა გაევრცელებინა ტილდას სუინტონის სურათი, რომელშიც მსახიობი კრემლის წინ, მოსკოვში, ლგბტ პრაიდის სიმბოლო დროშით ფიგურირებს. „გთხოვთ გაავრცელოთ გზავნილი ტილდასგან: „სოლიდარობის ნიშნად. სიყვრაულით რუსეთიდან“, განაცხადა ჰოდელმა. ცისარტყელის დროშის, როგორც ლგბტ პრაიდის სიმბოლოს პოპულარიზაცია 1978 წლიდან იღებს სათავეს. დროშის დიზაინერი სან ფრანცისკოელი ხელოვანი გილბერტ ბეიკერი იყო. მიუხედავად 1993 წლიდან რუსეთში ჰომოსექსუალური აქტების დეკრიმინალიზაციისა, უკანასკნელ წლებში ლგბტ უფლებების შეზღუდვა ქვეყანაში მომძლავრებულია. მოსკოვის უმაღლესმა სასამართლომ მიიღო გადაწყვეტილება, რომლის მიხედვითაც მომდევნო 100 წლის განმავლობაში დედაქალაქში არ შეიძლება გეი პრაიდის ჩატარება, ამასთან, კანონპროექტი, რომელიც „არატრადიციული სექსუალური ურთიერთობების პროპაგანდას“ კრძალავს, პრალამენტში ჯერ კიდევ განსახილველ საკითხად რჩება. წყარო