ჰომოსექსუალური ქცევა მამაკაცებს შორის ირანში სიკვდილით ისჯებოდა, ნებაყოფლობით სექსუალურ აქტში მონაწილე ორივე მხარისათვის. ახალი სისხლის სამართლის კოდექსის მიხედვით ადამიანი, რომელიც წყვილში აქტიურ როლს თამაშობს 100 როზგით დაისჯება თუკი კავშირი ნებაყოფლობითი იქნება და ეს პირი არ იმყოფება ქორწინებაში, თუმცა ის, ვინც აქტში პასიურ როლს თამაშობს ქორწინების სტატუსის მიუხედავად სიკვდილით დაისჯება.

ახალი სისხლის სამართლის კოდექსის მიხედვით არასრულწლოვნები სიკვდილით მხოლოდ იმ შემთხვევაში არ დაისჯებიან, როდესაც მოსამართლეს თავად შეუძლია განსაზღვროს დანაშაულის სიმძიმე (მაგალითად ნარკოტიკების მოხმარების შემთხვევაში). სასიკვდილო განაჩენი უცვლელი დარჩება ისეთი დანაშაულის შემთხვევაში, სადაც საქმე გვაქვს „ღვთის ნების წინააღმდეგ წასვლაზე“ და სადაც წინასწარ გათვალისწინებული, სავალდებულო განაჩენი არსებობს ( ასეთია სოდომია, გაუპატიურება, ქურდობა, სექსუალური კავშირი ქორწინების გარეთ და ალკოჰოლის მესამედ მოხმარება.)

სისხლის სამართლის კოდექსში შეტანილი ეს შესწორებები არ გააუმჯობესებს ირანის გამოცდილებას ადამიანის უფლებათა საკითხებში.

აღსანიშნავია ასევე, რომ სისხლის სამართლის ახალ კოდექსში არ არის მოხსენიებული ჩაქოლვა, როგორც რაიმე დანაშაულზე სასჯელი, თუმცა იგი მოხსენიებულია მუხლში, რომელიც ეხება სასჯელაღსრულების პროცედურებსა და იმ გარემოებებს, სადაც მსგავსი პროცედურების განხორციელება შეიძლება.

წყარო:http://www.guardian.co.uk/world/2012/feb/13/iran-misleading-death-penalty-claims