სასჯელი მუქარისთვის გეი აქტივისტის წინააღმდეგ
09 09 2011

ლივერპულის სასამართლომ 42 წლის ენტონი რაიანს გეი უფლებათა დამცველის, ბენ სამერსკილის მოკვლის მუქარისთვის რვა თვით თავისუფლების აღკვეთა და თვრამეტი თვის ხანგრძლივობის პირობითი სასჯელი მიუსაჯა.

იანვარში, 42 წლის ენტონი რაიანმა Stonewall-ის ჯგუფს, რომლის აღმასრულებელი დირექტორიც ბენ სამერსკილია, მუქარის წერილი გაუგზავნა. ეს ფაქტი მას შემდეგ მოხდა, რაც სამერსკილმა მხარი დაუჭირა ბრისტოლის საოლქო სასამართლოში მიღებულ დადგენილებას იმის შესახებ, რომ გეი წყვილი - მარტინ ჰოლი და სტივენ პრედი - დისკრიმინაციის მსხვერპლი გახდა, როცა კორნუოლის მახლობლად მდებარე სასტუმროს ეკლესიურმა ქრისტიანმა უფროსმა, მათ უფლება არ მისცა ოთახი გაეზიარებინათ.

შემთხვევასთან დაკავშირებით სამერსკილის მიერ გაკეთებული განცხადების შემდეგ, ენტონი რაიანმა Stonewall-ს ელექტრონული წერილი გაუგზავნა, სადაც წერდა, რომ თავს მოვალედ თვლიდა გეი უფლებათა დამცველების წინააღმდეგ ”ტერორის კამპანია” წამოეწყო და დიდი სიამოვნებით ესროდა შუბლში ტყვიას სამერსკილსა და ნებისმიერ გეის, რომელსაც გადააწყდებოდა.

Stonewall-მა ფაქტი პოლიციას შეატყობინა და რაიანი დააკავეს. სასამართლოს გადაწყვეტილებით მომდევნო ერთი წლის მანძილზე ენტონი რაიანი პირობით სასჯელს მოიხდის საზოგადოებრივი სამუშაოების სახით.

წყარო:http://www.guardian.co.uk/world/2011/sep/08/threatened-gay-rights-campaigner-sentence



ფოტო
"ვნებები და უფლებები"- ნამუშევრები გამოფენიდან
"ქალთა ინიციატივების მხარდამჭერმა ჯგუფმა" გენდერული ძალადობის წინააღმდეგ 16 დღიანი კამპანია გამოფენით "ვნებები და უფლებები" აღნიშნა. ექსპოზიცია წარმოდგენილი იყო თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებით, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის ნამუშევრები აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა. გამოფენის გახსნაზე გამოვლინდა 3 გამარჯვებული ავტორიც: მაკა ზედელაშვილი, ანუკ ბელუგა და მარიამ გაბრიჭიძე.
"ვნებები და უფლებები"- ნამუშევრები გამოფენიდან
"ღამე და დღე" | ტრანს პერფორმანსი
ტყის ვარდი | ტრანს აუდიო გასეირნება
ქვიარ დების გარბენი - სოციალური და გარემოსდაცვითი სამართლიანობა