ირანის ლგბტ თემმა Facebook-ზე გვერდი შექმნა, სახელწოდებით ”ჩვენ ყველგან ვართ”. გვერდი ირანში მოქმედ იმ კანონს ეწინააღმდეგება, რომლის მიხედვითაც ჰომოსექსუალობა სიკვდილით ისჯება.
ჯგუფის წევრები ზემოაღნიშნულ გვერდზე აუდიო და ვიდეო მასალას აქვეყნებენ, რომლის მეშვეობითაც საკუთარ გამოცდილებასა და დისკრიმინაციის ფაქტებს უზიარებენ საზოგადოებას. ვიდეო რგოლებში აქტივისტების სახე დაფარულია, რათა მათი ამოცნობა არ მოხდეს.
გვერდს ამჟამად 2,500 მუდმივი მნახველი ჰყავს და შეტყობინებები მსოფლიოს სხვადასხვა კუთხიდან მისდის.
ირანის პრეზიდენტმა მაჰმუდ აჰმადინეჟადმა 2007 წელს განაცხადა, რომ ჰომოსექსუალები ირანში არ არსებობენ. თუმცა, მოგვიანებით, როცა პრეზიდენტს მოუწია საკუთარ ქვეყანაში ლგბტ ადამიანების არსებობის აღიარება, მან დასძინა, რომ ჰომოსექსუალობა უცხოეთიდან შემოვიდა.
