გიას ბარაქათმა განაცხადა, რომ ფარანჯის ტარება არ შეესაბამება სირიული უნივერსიტეტების ღირებულებებსა და ტრადიციებს.
ეს დადგენილება ინტერნეტ საიტ All4Syria-ზე გამოქვეყნდა სტუდენტებისა და მშობლების თხოვნებზე საპასუხოდ.
ქინდა შამმათი, სამართალმცოდნეობის პროფესორი და ქალთა უფლებების დამცველი აქტივისტი, მიესალმა ამ გადაწყვეტილებას და თქვა, რომ იგი შეესაბამება სირიელ მუსულმანთა უმეტესობისთვის დამახასიათებელ ზომიერებას.
ამავე დროს, დამასკოში ბიბისის კორესპონდენტი ლინა ჰიჯაბი აცხადებს, რომ ზემოხსენებული დადგენილება იმის ნიშანი შეიძლება იყოს, რომ სირიული საზოგადოება უფრო კონსერვატიული ხდება.
”უკანასკნელ წლებში სირიაში ნამდვილი ისლამური აღზევება მიმდინარეობს: სულ უფრო მეტი ქალი იწყებს ჰიჯაბის ტარებას. ეს გადაწყვეტილება შეიძლება განვიხილოთ, როგორც მთავრობის ნაბიჯი სირიულ საზოგადოებაში საერო სულისკვეთების გაძლიერებისკენ”
2009 წელს ეგვიპტეს სულიერმა ხელმძღვანელმა შახმა მოხამედ საიედ ტანტავიმ აუკრძალა ჰიჯაბიან სტუდენტებს ალ აზხარის უნივერსიტეტის ტერიტორიაზე გამოჩენა.
გასულ კვირას საფრანგეთის პარლამენტის ქვედა პალატამ ხმათა უმრავლესობით დაუჭირა მხარი საზოგაროებრივ ადგილებში ფარანჯის ტარების აკრძალვას.
ბელგიის ქვედა პალატამ აგრეთვე დაუჭირა მხარი კანონპროექტს, რომელიც კრძალავს საზოგადოებრივ ადგილებში ისეთი ტანსაცმლის ტარებას, რომელიც ადამიანის გარეგნობას ფარავს, თუმცა კონკრეტულად ფარანჯა, საბუთში ნახსენები არაა.
ინგლისურად სრული ტექსტის სანახავად მიყევით ბმულს
