მაშინ, როცა შეუღლებულ წყვილთა უმეტესობა ყვავილებით, შოკოლადითა და რომანტიკული სადილებით აღნიშნავს მათ კავშირს, უაიომინგის უნივერსიტეტის ქვიერ ადვოკატირების ქსელი და მისი მხარდამჭერები, დემონსტრაციას მოაწყობენ თანასწორუფლებიანი ქორწინებიესათვის და პროტესტს გამოუცხადებენ იმ ორ საკანონმდებლო აქტს, რომელიც უაიომინგის სასამართლოებს მიუთითებს არ აღიაროს ერთსქესიანი ქორწინება და სამოქალაქო პარტნიორობა, რაც სხვა შტატებში უკვე დაკანონდა.

”საკანონმდებლო ორგანოებში მიმდინარე მოვლენების გამო, გადავწყვიტეთ, რომ ჩვენი პოზიცია დავიცვათ,” – განაცხადა უაიომინგის უნივერსიტეტის სტუდენტმა, ჯერემი ატკინსმა, რომელიც ქვიერ ადვოკატირების ქსელის დამაარსებელი და თავმჯდომარეა. ”ჩვენ გადავწყვიტეთ, რომ პროტესტი ამისათვის საუკეთესო საშუალება იქნებოდა,”–დასძინა მან.

მსვლელობასთან ერთად, დაქორწინებული და სამოქალაქო პარტნიორობაში მყოფი წყვილები ისაუბრებენ იმაზე, თუ რა ზეგავლენას მოახდენს მათ ცხოვრებაზე ანტი გეი ქორწინების საკანონმდებლო აქტის მიღება.

დღესდღეობით, უაიომინგი არ უზრუნველყოფს ერთსქესიან ქორწინებას და სამოქალაქო პარტნიორობას, თუმცა ის აღიარებს იმ ერთობებს, რომლებიც შტატს გარეთ იქნა განხორციელებული.

წყარო:http://www.laramieboomerang.com/articles/2011/02/13/news/doc4d575a6e92010097118476.txt